14
Decविद्यार्थी गुणस्तर परिषद् गठन 2082
विश्वशान्ति चिरन मिलन क्याम्पसमा अध्ययनरत विद्यार्थीहरुको गुणस्तरसँग सम्बन्धित विद्यार्थी गुणस्तर परिषद्को तेस्रो अधिवेशसन मिति २०८२ मंसिर १८ गते सम्पन्न भयो । क्याम्पसको सभाहलमा
सम्पन्न उक्त अधिवेशनमा परिषद्का पूर्वअध्यक्ष हेमचन्द्र दाहालले आफ्नो कार्यकालमा गरेका कार्यहरुको विवरण प्रस्तुत गनृुभएको थियो भने क्याम्पस प्रमुख नेत्रप्रसाद न्यौपानेले विद्यार्थी गुणस्तर परिषद्को काम, कर्तव्य र उद्देश्य प्रकाश पार्दै क्याम्पस क्यूएएतर्फ अग्रसर भइरहेको अवस्थामा विद्यार्थी गुणस्तर परिषद्को उल्लेखनीय भूमिका रहने कुराको जानकारी गराउनुभयो ।
अधिवेशनबाट नयाँ नेतृत्व चयनका लागि क्याम्पस प्राध्यापक संघ इकाइका अध्यक्ष नवीन धितालको संयोजकत्वमा सञ्जीव मिश्र र सुदर्शन अधिकारी सदस्य रहने गरी त्रिसदस्यीय निर्वाचन समिति गठन गरिएको थियो । निर्वाचन समितिले विधिवत् रुपमा प्रत्येक तहबाट न्यूनतम एक एक जना सदस्य पर्ने गरी नोमिनेसनका लागि आह्वान गरेको थियो । प्रारम्भिक अवस्थामा अध्यक्षमा ४, सचिवमा २, कोषाध्यक्षमा २ र सदस्यमा जम्मा १३ जनाको आवेदन परेको थियो । निर्वाचन प्रक्रियालाई सहमतिमा नै टुंग्याउने उद्देश्यले निर्वाचन समितिलाई सहमतिका लागि समय थप गरेको थियो । अन्त्यतः विद्यार्थीहरु आफैँ सहमतिमा आई जम्मा ११ जनाको ििवश्वशान्ति चिरन मिलन क्याम्पस विद्यार्थी गुणस्तर परिषद् गठन गरियो । सर्वसहमतिका आधारमा निर्वाचित पदाधिकारी र सदस्यहरुको नामावली निम्नानुसार रहेको छ ः
१. अध्यक्ष ः भावना राई
२. उपाध्यक्ष ः अनिष गुरुङ
.३. सचिव ः आरती चौधरी
४. कोषाध्यक्ष ः विष्णुविराट थापा
५. सदस्य ः राषिमा श्रेष्ठ.
६ सदस्य ः ऋतु राई
७. सदस्य ःपूजन घोरासैनी
८. सदस्य ः आकाश तामाङ
९. सदस्य ः अनिष तामाङ
१०. सदस्य (बाँकी बिबिएस तेस्रोबाट)
११. सदस्य (बाँकी बिए तेस्रोबाट)
निर्वाचित परिषद्लाई क्याम्पस प्रमुख नेत्रप्रसाद न्योपानेले खादा ओढाएर स्वागत गर्दै पदभार ग्रहण गराउनुभएको थियो ।
